فى ذكرى ميلادها.. جيهان فاضل توجه رسالة لشخص أنقذ حياتها من الموت

وجهت الفنانة جيهان فاضل، الشكر لشخص مجهول أنقذ حياتها وقت الثورة، مؤكدة أنه تلقى رصاصة حية كانت من المفترض أن تصيبيها.

وأوضحت “فاضل” فى تدوينة لها عبر حسابها الخاص بموقع التواصل الاجتماعى “فيسبوك” قائلةً: “النهاردة عيد ميلادى.. النهاردة أنا موجودة وسط أولادى علشان فى يوم ما، فى لحظة فارقة، فلان الفلانى اللى معرفش اسمه قرر أن حياتى أهم من حياته، فزقنى وخد رصاصة بدالى”.

وأضافت: “ناس كتير كانوا بيضايقوا مننا لما بنقول ثورتنا واللى منزلش الميدان مش حيفهم.. مش إحساس بالأهمية ولا ادعاء بطولة.. هو علشان كل واحد مننا بيدين بحياته لفلان الفلانى”.

واختتمت قائلة: “إحنا بنصحى كل يوم مش عارفين بعد ربنا نشكر مين.. فبنشكر ربنا على ثورتنا اللى صنعت أبطال مجهولين وبنفكر بعضنا أن كان فيه ثورة جمعتنا على حلم.. وكان فيه فلان الفلانى اللى ضحى بحياته علشان حلم بعيش وحرية وعدالة.. المجد لفلان الفلانى.. المجد للمجهولين”.