في تصريحه الأول بعد عقد قرانه.. محمود العسيلي: يارب تكون التالتة تابتة
نشر الفنان محمود العسيلي على حسابه الخاص في “إنستغرام” صوراً جديدة من عقد قرانه على خبيرة التجميل أمنية عبدالمنعم بمدينة الإسكندرية والذي أقيم في حفل اقتصر على الأهل والأصدقاء. تظهر حالة من الرومانسية والحب بينهما.
وعلق العسيلي على الصور قائلاً: “”تبات ونبات، الفستان الأبيض، إحساسك إيه النهارده، الليلة وأخيراً فرحة، أغاني عملتها من أول ما ابتديت لغاية النهارده باتكلم فيها عن العيلة والاستقرار والحب والعيال.. كل أغنية فيهم بتتكلم عن موقف جميل وأسلوب حياة كنت بأحلم إني أعيشها، وفعلاً حاولت في تجربتين جواز إني أشوف الحياة اللي أنا باحلم بيها تتحقق على أرض الواقع لكن للأسف التجربتين مانجحوش”.
وأضاف: “والفشل مش لازم يكون معناه أن حد وحش..لا.. هو بيكون تقصير من الطرفين وبيكون بجد قدر ونصيب.. الفشل عمره ما كان عيب بس الكارثة الحقيقة اللي ناس كتير بتعملها فهي الاستمرار في الفشل والتصميم على التعاسة، عشان ظروف خارجية أو وهمية مالهاش علاقة بالاتنين اللي عايشين في الدوامة وخلاص بيغرقوا”.
وختم كلامه: “أنا رفضت أعيش تعيس وهافضل أدور عن السعادة اللي كتبتها في الأغاني بتاعتي وباتمنى من ربنا سبحانه وتعالى إني أكون لقيتها فعلاً وتكون التالتة التابتة”.
