ثقافة وفن

لمن قالت منة فضالي: “ناس منافقة وكذابة”؟

منة فضالي

عانت الفنانة منة فضالي الفترة الماضية من وعكة صحية وارتفاع شديد في درجة حرارة جسمها جعلها تفقد القدرة على مغادرة منزلها، لكن فور تحسن حالتها الصحية بشكل تدريجي أكدت منة أنها تشعر بالإنزعاج لوقوف عدد قليل فقط من المقربين منها بجانبها خلال هذه الوعكة.

وكتبت منة من خلال حسابها على فايسبوك: “النهاردة اول يوم صوتي يبتدي يطلع واقدر أتحرك كنت بموت بقالي يومين حرارتي مبتنزلش المهم الحمدلله ان الواحد كل شوية بيتاكد انه صح ان مفيش حاجه اسمها عشره وعيش وملح انا اعمل لغيري لكن غيري عمري ما هلاقيه جنبي الا لو في مصلحة”.

وأضافت:” المرض و الموت نعمة من ربنا بيكشفلنا كل شويه ناس متستهلش حتي تبص في وشهم قليلين قوي اللي اهتموا يسالوا عليا وعلى صحتي لكن آل ١٠٠٠٠٠ اللي عندي واللي ملهومش اَي لازمه غير انهم يتفرجو عليا وفالحين بس يقولولي واو ايه الجمال ده ايه الطعامة والشياكة دي ناس منافقه كذابة هتعيشوا وتموتوا كدة”.

وتابعت: “الحمد لله اني مش زيكم ولا هكون لأني بكل بساطة بحب الكل وبحب الخير للناس كلها ومش حتغير بس مع اللي يستاهل وربنا كبير والدنيا عيشه وقتيه الدوام لله صحيح انا ممثله وبلبس لبس مش محتشم ساعات لان ده شغلي بس كفاية اني مش بأذي حد ولا عمري شمت في حد اتفرجو عليا قوي واحقدو اوي وغيرو اوي اوي بس عيشو ضميركم مرتاح زيي لو عرفتم “.

واختتمت قائلة: “طبعا بعد البوست ده حلاقي تليفونات ورسايل بالهبل احب أطمنكم اخركم عندي اني اتفرج عليكم كنت فاكرة ان الحب اللي بيكسر طلع في اهم من الحب العشرة و العيش والملح اللي متعرفوش عنه حاجة.”

مقالات ذات صلة