تامر حسني يوجه سؤالا لجمهوره
حرص النجم تامر حسني على وضع منشور عبر صفحته الرسمية على موقع التواصل الاجتماعى “فايسبوك”، وجه من خلاله رسالة الى جمهوره ليكشف لهم عن القضية التى يطرحها فيلمه الجديد “البدلة”.
وقال تامر: “أنا كنت بحضر مشاهد، داخل أصورها في فيلم “البدلة” اليومين دول، بس لفت نظري كلام مهم قوي في الحوار، فكلكم جيتوا في بالي، وبدأت أفكر فيكوا إنتوا، وحسيت إني عايز أسألكم سؤال، وممكن نتناقش فيه شوية لكل حد فيكم”.
وأضاف: “السؤال هو: في ظل الكوسة والمحسوبيات وأصدقاء السوء والتشوهات الفكرية والطاقة السلبية الرهيبة في بلادنا، وحاجات تانية جوه كل حد فيكم، أكيد في ناس كتير محبطة، ونفسها تنجح، بس هل حد فيكم بدأ يحط حلول عشان ينجح؟ وإيه هي الحلول؟ ولا في منكم مفيش حلول بالنسبة له؟”.
وجاءت الردود متباينة من جمهوره، فبعضها حملت أمنيات معجبيه وآمالهم في تحسن أوضاعهم وأوضاع بلدهم، وبعضها حمل طابع السخرية والتهكم.
