حسن الرداد: قبل الجواز حمادة وبعده حمادة تاني
كشف الفنان المصري حسن الرداد الكثير من التفاصيل عن حياته الزوجية من الفنانة إيمي سمير غانم لأول مرة.
فخلال حلول حسن ضيفا على برنامج “بيومي أفندي” على قناة DMC، سأله مقدم البرنامج الفنان بيومي فؤاد عن أكثر قرار ندم على اتخاذه، فرد حسن مازحا: “قرار جوازي”، إلا أنه استطرد قائلا: “أنا طبعا بهزر.. ده برنامج كوميدي ولازم نقول حاجة كده”، فقال بيومي: “اه أكيد إيمي هتتفرج ولو ما اتفرجتش أنا هقولها مبخبيش حاجة على إيمي”.
بيومي سأل حسن: “إيه التاريخ اللي بدأت تطبل فيه لإيمي؟”، فرد حسن: “التطبيل بدأ بعد الجواز مكنش فيه قبل الجواز، قبل الجواز حمادة وبعد الجواز حمادة تاني خالص”.
كما سخر حسن الرداد خلال الحلقة من نفيه الدائم لارتباطه بإيمي قبل زواجهما، حيث ردد نفس الكلام الذي كان يقوله من قبل: “أنا وإيمي فعلا مش مرتبطين، العلاقة بيني وبينها زمايل في الشغل واشتغلنا كتير مع بعض علشان كده الناس بتطلع الإشاعات دي”.
بيومي وجه سؤالا لحسن عن تدخل سمير غانم ودلال عبدالعزيز في خلافاته مع إيمي، بقوله: “لما بتتخانق انت والمدام رأي مين اللي بيمشي سمير غانم ولا دلال عبدالعزيز”، فضحك الفنان ورد: “مش عارف بس أكيد مش رأيي.. لأ والله هم طيبين جدا.. وفاصلين نفسهم ومالهمش أي علاقة بالاتنين المتجوزين يشوفوا حياتهم زي ما هم عايزين.. وده الصح وأنا بحبهم جدا”.
