بالصورة.. شبيه تامر حسني يحدث ضجة على فيس بوك ومعجبوه: «يخلق من الشبه 40»
نشر المطرب تامر حسني على حسابه الرسمي بموقع التواصل «فيسبوك»، صورة تجمع بينه وبين شاب نسخة طبق الأصل منه، لدرجة لا تستطيع معها تفريقهما، أو تحديد أيهما تامر حسني الحقيقي من الوهلة الأولى.
وكتب تامر تعليقا على الصورة: «للوهلة الأولى كنت رايح أسلم عليه كنت فاكره أنا، لأ وتحس إنه شبهي أكتر مني مش فاهم إزاي، المهم بعد ما اتكلمت معاه لقيت الموضوع كله إن من الحب ما شبه، بس اللي خلاني اكتب البوست ده حاجه مهمة أوي، إني سألته بتشتغل إيه؟ قالي مهندس، ففرحت عشان انك تكون بتحب فنان ومستهويك حتة انك شبهه اوعى تلغي نفسك وتعيش على الفكرة دي، هزر بيها كام يوم كده وخلاص، إنما أنت لازم تبقى أنت، واللي هكون فرحان بيه بجد إنك لو بتحب فنان أوي كده فياريت تتأثر بالأعمق، بالمضمون مش الشكل، اتأثر بنجاحه واتعب وإنجح زيه في مجالك».
واختتم التدوينة بجملة: «نهاركم أبيض إن شاء الله».
وعلقت إحدى الفتيات بحساب «Sa Lly Uth» على الصورة، قائلة: «ياجماعه مش فوتوشوب، أقسم بالله، هيعمل فوتوشوب ليه يعني؟»، ونشرت حساب الشاب الثاني وهو Omar Mostafa لتأكيد صحة كلماتها.
