إبراهيم سعيد متوعدًا زوجته شهد: «حق أمي هاخده بالقانون»
توعد إبراهيم سعيد المدير الفني لنادي جولدي زوجته شهد عبد الله بسبب تعرضها لوالدته في أحد الحوارات التليفزيونية -بحسب قوله-.
وكتب إبراهيم سعيد تغريدة على تويتر قال فيها: “أنا متابعتش الحوار أصلًا بس أمي اللي غلطتي فيها دي كنتي بتبوسي إيديها وتعيطي عشان أتجوزك بس وحياتها هجيب حقها”
وأضاف: “كنتي بتعيطي وتقوليلها أنا هعيش خدامة تحت رجليه -فعلًا قليلة الأصل وحقي هاخده بالقانون مش بالبلطجة وخسارة على اللي عملته معاكي فعلا…”
وتابع: “سقط قناعك وظهر أصلك بس وحياة أمي هفضل حتى آخر لحظة منتظر حقي وهشوف بلدي اللي بحبها بجد مع الحق ولا مع الباطل والكدب والبلطجة”
وقال إبراهيم سعيد: “بتقول إيصال الأمانة بتاع جوز أمها ماتعرفش عنه حاجة وبعدها بلحظة قالت معاه بقاله سنتين”
واستطرد: “مش المفروض إنها وارثة والشركة بتاعتها طيب يعني المفروض ميبقاش في إيصال أمانة استلام باسمي أصلًا ماهي شركتها بقي قالولي فلوسك خسرت”
وعلق “مفيش ولا ورقة معاه قدمت بس ورقة من البنك عنوان المراسلة اللي بسدد ليها ديونها قليلة الأصل فعلا”
وتابع “ده آخر شهرين سداد باسمي في حسابها رغم إني مطلقها بس كل واحد بأصله”
